രാധാ വിരഹം തണുവാർന്നു തുള്ളി വീണ്ടും തനുവോടലിലിഞ്ഞിടുന്നു . വിറയാർന്ന ചുണ്ടിനാലെൻ വിരഹം വിതുമ്പിടുന്നു . മഥുരാപുരിയ്ക്കു മീതെ ... മഴയായി മിഴിനീർ കണങ്ങൾ , പ്രളയാബ് ധി പോലശിപ്പൂ ... പ്രണയാവരൂഢമാ മണ്ണിൽ . അനുദൂരം നാമകന്നു , അനുലോമം നിന്നപദാനം . മുകുന്ദാനുരാഗം മുരളീരവാനന്ദം മുഗ് ദം മുകർന്നൊരിയ്ക്കലെല്ലാം . അച്യുതം ഈ ഓർമയെങ്കിലും അന്യമായി നീപോയ സരണിയിലെന്നഹം . അറിയുകയൊന്നു നീ , അതിഗൂഢമീ സത്യം ... അമലാർദ്രമെന്നനുരാഗം - അതിൽ , അവ്യയമെന്റെ ആത്മാവ് .
Posts
Showing posts from August, 2020